ئەسعەد رەشیدی
پرچەکانت دادەهێنم
لە ئاوێنەی مەندی
ئەم کانییە لەبیرکراوە
بە پەنجە لەرزوکەکانم
پەلکە سەوزەکانت دەهۆنمەوە
دەلەڕێنەوە
بە سەر شانە روتەکەتدا
کە بای مەست
برینداری کردوون.
ئەترسم،
دارستانە بێکەسەکەم!
زریان
ئەو بەچکە مەلە تەرو ترساوانە
وا لە ژێر تاڤی باران کزیان کردگەو
لە باوشدا هەڵ تروشکاون
نوقم بکات
لەم ئاسمانە لیڵەدا.
ئەترسم،
ئەو تەورە چاوەروانە بێتاقەتانە
کە لەو پەری کوێستانەوەو
لە بەر تیشکی هەتاودا دەدروشێنەو
لە ناکاودا هەستنە سەر پێ...
١٢/٠٩/٢٠١٥
هیچ نظری موجود نیست:
ارسال یک نظر